Este xoves 18 de xullo comezan as Festas de Santa Mariña de Xuño (Porto do Son), que se estenden ao longo de tres días, até o sábado 20. Na primeira das xornadas de festa contarase a primeira hora coa Banda de Música de Caamaño e despois da misa solemne na honra de Santa María e da procesión, haberá sesión vermú a cargo de Miriam Agraso e Nando llon. Pola tarde, xogos populares, monifates, churrascada popular polo serán amenizada con Rumba e Rexoubeiros e pola noite verbena con Elixir, a partir das 22.30 horas.
O venres volven a primeira hora os Rexoubeiros e logo da misa solemne na honra da Virxe do Carme haberá procesión e sesión vermú con Pauchinha. Polo serán, actividades para a rapazada con inchábeis e festa da escuma e pola noite verbena con Alcázar e Disco Móbil Chocolate.
A xornada do sábado comezará coa AF Chorimas de Queiruga (dianas e alboradas) e logo da misa na honra de San Antón e da procesión haberá sesión vermú con Recambios Tucho. Polo serán celebrarase o tradicional partido de fútbol de solteiros/as contra casados/as e pola noite verbena con Orquestra MS, DJ Tchinclán e Kike Varela Regueiro.
Organiza a Asociación de Veciños de Xuño Sartaxas coa colaboración do Concello de Porto do Son.
