O Coro da Casa de Galicia en NY e as Cantareiras das Amas de Casa actuarán no novo Auditorio de Ribeira o día 25 de xullo

17 Xullo 2024

Este 17 de xullo presentouse en Ribeira unha cita moi especial para Santa Uxía e o concello: o concerto do Día Nacional de Galicia que se celebra o vindeiro 25 de xullo no novo Auditorio Municipal ás 21:00 horas. Trátase dunha actuación de gran significado e alcance, porque afianzará as ligazóns de irmandade entre as dúas beiras do atlántico: entre a Casa de Galicia en Nova York e as Amas de Casa de Ribeira. Na presentación acudiron a concelleira de Cultura, Antía Alberte e a presidenta das Amas de Casa de Ribeira, Puri Cores. Segundo informaron, o concerto será de balde e a entrada establecerase por orde de chegada. Abriranse as portas do Auditorio con media hora de antelación.

A edil de Cultura convidou a toda a veciñanza e manifestou que o concerto argallouse por “unha proposta veciñal e que mellor que enmarcalo no Día Nacional de Galicia nun acto de irmandade e de encontro”. Tamén sinalou que é un orgullo que as Cantareiras das Amas de Casa actúen por primeira vez no novo Auditorio e engadiu que “dende o Goberno temos como prioridade satisfacer as peticións de todas as entidades culturais locais en prol de mostrar á veciñanza o rico tecido cultural que ten Ribeira”.

Por outra banda, Puri Cores indicou que este acto lle toca de cheo, xa que viviu en Nova York uns anos e tamén puxo en valor ás Cantareiras das Amas de Casa, que é un grupo que comezou a súa dilatada traxectoria con Magdalena Bringas. Cores fixo un chamamento á veciñanza para acudir a esta relevante proposta cultural. Engadiu que “é unha cita moi propicia para o día 25 de xullo, Día de Galicia, e que mellor que conmemoralo asistindo a este concerto de irmandade”. Tamén agradeceu á Concellería de Cultura e ao Concello de Ribeira o apoio e amosou a súa disposición de colaboración en vindeiras ocasións.

Outros artigos

O PSOE de Ribeira acusa ao Executivo local de “falta de propostas”

O PSOE de Ribeira tamén fixo balance do ano de Goberno do PP e PBBI logo da moción de censura consumada en outubro do ano pasado. No seu balance afirmou que a alcaldesa, coincidindo co primeiro aniversario da moción de censura, "segue sen ofrecer solucións á fronte da...

+

Publicidade

Revista en papel

Opinión

“Cuando la huelga cambia de destinatario”. José Castro López

“Cuando la huelga cambia de destinatario”. José Castro López

Vaya por delante que la huelga es una conquista consagrada que tienen los trabajadorespara reivindicar y defender sus derechos. De hecho, en lo que llevamos de democraciatodas las huelgas generales se convocaron por razones laborales contra las políticas delGobierno...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.