Os días pasados púxose en marcha unha nova edición do campamento de verán do programa Outes Concilia, que se celebra nas instalacións do antigo colexio do Cruceiro de Roo e máis en diferentes espazos naturais do concello por exemplo na praia de Broña.
Segundo explicou o Concello, trátase dun programa que permite a conciliación das familias nunha alternativa lúdica.
As actividades desenvolveranse ao longo de 6 quendas, entre o 25 de xuño e o 10 de setembro, para nenas e nenos de idades comprendidas entre os 3 e os 16 anos. Neste intre estase a desenvolver a segunda das quendas, a que vai do 8 ao 19 de xullo.
Durante este tempo, os nenos e nenas gozan de actividades educativas, reciclaxe, igualdade, inchábeis, festa da escuma, xogos con música, xogos tradicionais e mesmo dunha visita á praia de Broña.
