O Concello de Rianxo e a SOGAPS (Solidariedade Galega co Pobo Saharaui), organizan unha nova edición da Andaina Solidaria en favor do Pobo Saharauí, no marco da intensa colaboración que veñen mantendo as dúas entidades a prol dos refuxiados dos campamentos de Tindouf e poñendo o foco nas necesidades dos máis pequenos. Será o día 3 de agosto e, segundo sinalaron o Concello e a asociación, terá un perfil e unha distancia accesíbeis a calquera estado de forma física (trátase dunha andaina de carácter popular que se dirixe a acadar a máxima participación de veciñas, veciños, turistas e seareiros e seareiros do deporte ao aire libre).
Nesta terceira edición, a proba organizase a beneficio de SOGAPS (Solidariedade Galega co Pobo Saharauí) sendo o destinado a tal fin o 100% do recadado.
Haberá dous percorridos: un de 12 quilómetros e un de 5 quilómetros.
Pódese colaborar participando na Andaina, na Carreira ou a través do Dorsal 0, facendo unha doazón polo importe desexado.
Na web municipal (en formato PDF) podemos atopar a información principal da proba. Para ampliala cómpre acudir ao regulamento completo da proba ou ao Servizo Municipal de Deportes.
As inscricións abrirán en breve (e até o mércores 1 de agosto), no Servizo de Deportes do Concello de Rianxo. Tamén se pode facer presencialmente na praza de Castelao ata 15 minutos antes do inicio da proba.
Os prezos son os seguintes:
Gratuíto, de 0 a 3 anos
5 €, de 4 a 17 anos
8 €, maiores de 18 anos
A andaina ten un límite de prazas de 750.
