A Xunta inviste 135 M€ dende 2020 na mellora e competitividade da industria conserveira

13 Xullo 2024

A industria conserveira está a ser unha aposta irrenunciable para a Xunta de Galicia. Proba delo, e que nos últimos catro anos, a administración autonómica leva destinados ao seu impulso 135 millóns de euros. Este esforzo inversor é posible grazas ao Plan Estratéxico da Industria Conserveira Galega Horizonte 2020 e, na actualidade, ao Plan Estratéxico 2022-2030, encargado polo Consellería ao Centro Tecnolóxico do Mar (CETMAR) e realizado en colaboración coa Asociación Nacional de Fabricantes de Conservas de Pescados e Mariscos, Anfaco-Cecopesca.

Trátase de dúas iniciativas, cofinanciadas a través do FEMP (Fondo Europeo Marítimo e de Pesca) e do FEMPA (Fondo Europeo Marítimo, de Pesca e Acuicultura), coas que se pretende aumentar o peso desta cadea no conxunto da economía galega, mellorar a competitividade nos mercados internacionais e consolidar a súa posición de liderado, ademais da súa capacidade produtiva e todo o emprego que leva a asociado. 

Así o trasladou o conselleiro do Mar, Alfonso Villares, durante da clausura da xornada Galicia distrito industrial con sabor a mar, organizada pola Asociación de Empresarios, Comerciantes e Traballadores Autónomos de A Pobra do Caramiñal, e na que expertos do sector explicaron o percorrido do peixe desde que se captura no mar ata que se converte en conserva.

Consolidación do sector

Galicia é hoxe a principal comunidade autónoma que exporta produtos de pesca, acuicultura e os seus transformados, xa que, a excepción do peixe seco, salgado/salmoira e afumado, envía ao exterior máis do 30% do volume total. No eido das exportacións de preparacións e conservas do mar, supón máis do 75% da produción e o 70% da facturación. É dicir, 7 de cada 10 quilos exportados por España saen do territorio galego, cos países europeos como principais mercados. Por tanto, somos a comunidade que ten máis relevancia no territorio nacional tanto polo número de empresas, produción, facturación e exportación, como en postos de traballo creados.

Este sector agrupa a preto de 260 empresas, que facturan máis de 12.000 millóns de euros e dan emprego a 26.300 persoas, representando así o 5,5% da industria alimentaria española, pois aporta máis do 90% da produción nacional e o 70% da facturación e da oferta laboral. 

Para seguir consolidándoo, Alfonso Villares destacou a importancia de seguir artellando medidas que estimulen o consumo interno e as previsións de crecemento da economía pesqueira. E isto pasa, sinalou, por escoitar ao sector e, por tanto, porque as administracións con competencias na materia, como é o Goberno central, dean respostas ás necesidades. Unha delas é a rebaixa tributaria dos alimentos básicos e a consideración da carne, o peixe e as súas conservas como produtos de primeira necesidade, pero que, a día de hoxe, aínda non obtivo o visto e prace do Executivo estatal.

Por outra banda, tal e como sinalou, é importante dar seguridade xurídica á cadea mar-industria, co fin de asegurar a continuidade da súa actividade e de atraer novos investimentos produtivos. Este contexto foi o que levou á administración autonómica a aprobar a Lei de ordenación e xestión integrada do litoral, converténdoa na primeira comunidade que regula a franxa costeira en toda a súa extensión, que identifica os usos e as actividades estratéxicas na cosa e faculta que se poidan levar a cabo de forma sostible e con plena seguridade lexislativa.

Outros artigos

O PSOE de Ribeira acusa ao Executivo local de “falta de propostas”

O PSOE de Ribeira tamén fixo balance do ano de Goberno do PP e PBBI logo da moción de censura consumada en outubro do ano pasado. No seu balance afirmou que a alcaldesa, coincidindo co primeiro aniversario da moción de censura, "segue sen ofrecer solucións á fronte da...

+

Publicidade

Revista en papel

Opinión

“Cuando la huelga cambia de destinatario”. José Castro López

“Cuando la huelga cambia de destinatario”. José Castro López

Vaya por delante que la huelga es una conquista consagrada que tienen los trabajadorespara reivindicar y defender sus derechos. De hecho, en lo que llevamos de democraciatodas las huelgas generales se convocaron por razones laborales contra las políticas delGobierno...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.