A Pobra prepárase para pedalear no 14 de xullo coa Festa da Bici

12 Xullo 2024

A trixésimo segunda edición da Festa da Bici da Pobra do Caramiñal convida a pedalear con fin solidario no 14 de xullo. Esta cita que reúne deporte e solidariedade arrancará ás 11.00 horas na praza Alcalde Segundo Durán; espazo que tamén se establece como meta.

Formalizarase a inscrición mediante a achega dun quilogramo de alimentos non perecedoiros no propio día e na dita praza, a partir das 10.15 horas.

Establécense dous percorridos: o grande consta dun circuíto de case 10 quilómetros por zonas urbanas e rurais, con parada de avituallamento; mentres que o pequeno é de, aproximadamente, 1’5 quilómetros polo centro da localidade e está dirixido a crianzas menores de 8 anos ou rapazada maior desa idade con dificultades para completa-la ruta longa.

Con relación a esta actividade, o concelleiro dos Deportes, Eloy Sobrido, manifesta que “a Festa da Bici é un evento que transcende a promoción da actividade física. Ten tamén un marcado compoñente solidario como se constata no método de inscrición, permite explora-la localidade sobre dúas rodas, xérase un punto de encontro de xeracións e, a maiores, foméntase a mobilidade sostible con esta alternativa de transporte aos medios de tracción mecánica. E trátase dunha cita ciclista consolidada no calendario deportivo local. Proba disto son os centos de persoas que participan cada ano.”

Disporase tamén na referida praza dun inchable e dunha xincana de habilitade e destreza sobre dúas rodas para o desfrute das nenas e nenos. Sortearanse, así mesmo, unha bicicleta e outros agasallos.

A Policía local, Protección Civil, Motoclub SinFrenos, Sport Bike, Sport Maniotas/Sportmoda, Gadis e Eroski son as entidades colaboradoras e medios de apoio que tamén se implican na organización e no dispositivo desta xornada.

Outros artigos

O PSOE de Ribeira acusa ao Executivo local de “falta de propostas”

O PSOE de Ribeira tamén fixo balance do ano de Goberno do PP e PBBI logo da moción de censura consumada en outubro do ano pasado. No seu balance afirmou que a alcaldesa, coincidindo co primeiro aniversario da moción de censura, "segue sen ofrecer solucións á fronte da...

+

Publicidade

Revista en papel

Opinión

“Cuando la huelga cambia de destinatario”. José Castro López

“Cuando la huelga cambia de destinatario”. José Castro López

Vaya por delante que la huelga es una conquista consagrada que tienen los trabajadorespara reivindicar y defender sus derechos. De hecho, en lo que llevamos de democraciatodas las huelgas generales se convocaron por razones laborales contra las políticas delGobierno...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.