Este domingo 14 de xullo celebrarase a décima edición da Carreira pola Diversidade que organiza a Asociación Ambar das Persoas con Diversidade Funcional. A iniciativa solidaria e inclusiva dará comezo ás 10:00h con saída da explanada de Coroso, Ribeira. Esta edición será unha convocatoria especial, xa que a Carreira pola Diversidade cumpre 10 anos. Para celebralo haberá vertente musical e festeira a cargo do grupo Leite con Jalletas amenizando o día coa súa música. O programa de actividades tamén inclúe unha actuación de batucada da man da Academia Boa Vibra, con sede no Barbanza.
Cronograma da X Carreira pola Diversidade
9:00 h Reparto de dorsais
10:00 h Comeza a categoría absoluta ca distancia de 5Km
Batukada a cargo de Boa Vibra e saída da andaina de 3,3 Km
Categoría de 13 a 15 anos cunha distancia de 2Km
Categoría de 10 a 12 anos, ten unha distancia de 1Km
Categoría de 6 a 7 anos, distancia de 300 m
Categoría de 0 a 5 a nos, cunha distancia de 100 m
Entrega de premios
Para rematar sesión vermú amenizada polo grupo Leite con Jalletas.
