O gaiteiro Xosé Manuel Budiño actuará na Festa da Xouba 2024 de Rianxo

04 Xullo 2024

Do 23 ao 26 de xullo Rianxo celebrará unha nova edición da Festa da Xouba. Haberá actividades de exaltación do do produto, degustacións, gastronomía, reivindicación da cultura mariñeira e música: a actuación do gaiteiro Xosé Manuel Budiño e a súa banda, que ofrecerán un concerto gratuíto na praza de Castelao no que o gaiteiro presentará o seu último traballo, Branca Vela. Trátase dun disco luminoso cargado de amor pola música de raíz e pola electrónica no que colaboraron artistas como DeVacas, Leilía ou Guadi Galego.
A Festa da Xouba de Rianxo será novamente unha xornada festiva e de posta en valor dun dos grandes produtos gastronómicos rianxeiros. A festa desenvolverase no rueiro da vila, no Campo de Arriba e, como dixemos, na praza de Castelao.

A festa vén da man do Concello e a Confraría de Pescadores Virxe do Carme, ao abeiro da marca Xouba de Rianxo, e conta co apoio da Consellería de Mar, tal e como lembrou os días pasados o conselleiro, Alfonso Villares, que cualificou a cita de “evento gastronómico de auténtica exaltación deste peixe que conta con selo de calidade propio Xouba de Rianxo- Pesca Artesanal- Arte do Xeito desde o ano pasado (…) unha cita que se consolida no calendario e que atrae a numeroso público, cumprindo este ano a súa vixésimo novena edición”.

Outros artigos

O filme documental 360 curvas proxéctase este domingo en Boiro

O Ciclo de Cine Mestre Mateo, impulsado nos concellos pola Academia Galega do Audiovisual, volveu poñer o foco en Boiro para dar coñecer ao público a rica colleita cinematográfica galega deste último ano. Sen ir máis lonxe, este domingo 18 de outubro proxectarase no...

+

Publicidade

Revista en papel

Opinión

“Juan Magán” – Xulio Xiz

“Juan Magán” – Xulio Xiz

Estes días, Merce e máis eu, mergullámonos cada día no multitudinario ambiente festeiro, disfrutamos coa venerable presencia de Celtas Cortos e ousamos asistir ao concerto de Juan Magán. Con relativo coñecemento do actual mundo musical, que navega de Camilo a India,...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.