A Escola de Música e Baile Tradicional Municipal do Concello de Outes programou unha axenda de concertos de verán para desfrute de residentes e visitantes. En concreto, dará tres concertos no mes de xullo en diferentes parroquias do concello. Son os que detallamos a continuación:
· Venres 5 de xullo ás 20:30 fin de curso no colexio de Roo
· Venres 12 de xullo ás 20:30 concerto en San Lourenzo
· Sábado 20 de xullo ás 20:30 intercambio e concerto da orquestra tradicional na Horta do Muíño
A Escola de Música e Baile Tradicional de Oites imparte clases de diferentes instrumentos tradicionais como gaita, zanfona ou pandeireta, entre outros instrumentos.
