O Campo de Fútbol de Vista Alegre, en Boiro, acolle este sábado 29 de xuño a segunda edición do torneo solidario interparroquial en beneficio da Asociación de Axuda a Niños Oncolóxicos de Galicia (ASANOG). Será a partir das 17.00 horas.
O torneo contará con fase de grupos, semifinal e final, no que van participar 8 equipos que representan a cada unha das parroquias.
A asociación leva dende o ano 2012 acompañando a familias e a recadación do torneo do ano pasado estivo destinada, esencialmente, a aumentar a atención psicolóxica grazas aos convenios con gabinetes de toda Galicia.
O días pasados o concelleiro de Deportes, Marcos Fajardo, animou á veciñanza a colaborar con este evento solidario “que vai moito mais alá do eido deportivo e ten esa finalidade solidaria, de recadar fondos para axudar ás familias de nenos e nenas oncolóxicos”.
