Ribeira celebra o orgullo LGTB poñendo en valor a tolerancia e a diversidade

28 Xuño 2024

Este venres 28 de xuño o Centro Cultural Lustres Rivas de Ribeira viuse ateigado de veciños/as, concelleiros/as e representantes e integrantes de entidades sociais e inclusivas como Amicos, Ambar, A Creba, Xardín Ventureiro, AGADEA, Renacer, e IMEGA. O motivo foi a celebración do acto institucional e reinvindicativo do Concello convocado con motivo do Orgullo LGTBI (este día 28), no que falaron o alcalde, Luís Pérez, a concelleira de Educación, Cruz Rivadulla e a convidada para o acto Hadriana Ordóñez, psicóloga e experta en educación afectivo-sexual.

Nunha xuntanza solemne e emotiva Pérez Barral transmitiu que “esta data non só é unha celebración, é unha data de mobilización e de loita polos dereitos da comunidade LGBT… Hai 55 anos, en 1969, os disturbios de Stonewall en Nova York marcaron o inicio dun movemento que transcendeu fronteiras e uniu a millóns na procura da igualdade e a xustiza. Sabemos que por desgraza aínda existe unha parte da sociedade que nos nega o dereito para vivir libres e iguais. Hai a quen lle estraña que houbera uns tempos nos que se nos negaba ser quen decidimos, ser e gozar dos dereitos e liberdades que hoxe temos e seguimos construíndo de maneira colectiva, É crucial lembrar e honrar os fitos e as pegadas da disidencia sexual na nosa propia terra”.

Tamén fixo referencia ás “agresións LGBTIfóbicas, tanto verbais como físicas”, que “nos últimos anos son a manifestación máis extrema da discriminación que sofren as persoas LGBTI e lémbrannos que aínda queda moito por facer para garantir o dereito para vivir de maneira libre e igual, con independencia da identidade de xénero ou orientación sexual que teña cadaquén. Por iso, hoxe dende o Concello de Ribeira queremos facer este acto, porque debemos traballar de forma transversal na prevención de todo tipo de discriminacións. Temos que ofrecer toda a nosa atención a quen o necesite para erradicar toda forma de violencia”.

Na metade do acto deuse lectura a poesías por parte das persoas vinculadas ao tecido social de Ribeira.

Hadriana Ordóñez puxo en valor a necesidade de visibilizar a persoas do colectivo que teñen unha vida plena porque hai moitas persoas que seguen tendo obstáculos no seu día a día.

Como epílogo do acto o rexedor lanzou un chamamento para “seguirmos construíndo xuntos unha sociedade onde o amor, a igualdade e a liberdade prevalezan sobre o odio e a discriminación”.

Outros artigos

O PSOE de Ribeira acusa ao Executivo local de “falta de propostas”

O PSOE de Ribeira tamén fixo balance do ano de Goberno do PP e PBBI logo da moción de censura consumada en outubro do ano pasado. No seu balance afirmou que a alcaldesa, coincidindo co primeiro aniversario da moción de censura, "segue sen ofrecer solucións á fronte da...

+

Publicidade

Revista en papel

Opinión

“Cuando la huelga cambia de destinatario”. José Castro López

“Cuando la huelga cambia de destinatario”. José Castro López

Vaya por delante que la huelga es una conquista consagrada que tienen los trabajadorespara reivindicar y defender sus derechos. De hecho, en lo que llevamos de democraciatodas las huelgas generales se convocaron por razones laborales contra las políticas delGobierno...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.