Un proxecto innovador do IES A Cachada de Boiro, distinguido pola Secretaría Xeral de Lingua

28 Xuño 2024

A Secretaría Xeral da Lingua e a Dirección Xeral de Ordenación e Innovación Educativa resolveron a convocatoria de participación nos proxectos de innovación educativa en dinamización lingüística para os centros docentes de titularidade pública da Consellería de Cultura, Educación, Formación Profesional e Universidades durante o curso académico 2023/2024. Seleccionáronse cinco proxectos considerados excelentes máis dúas mencións de honra.

Entre estes proxectos excelentes inclúese Aquí tamén se fala, impulsado polo Instituto IES Rafael Dieste da Coruña para promover o uso do galego. Trátase dunha campaña de marcada vertente dixital, xa que entre as súas facianas visíbeis atópase a web aquitamensefala.com e unha serie de vídeos subidos ás redes sociais nos que importantes persoeiros da cultura e doutros ámbitos expresan o seu apoio á nosa lingua. Por exemplo Viggo Mortensen, James Rhodes ou Tanxugueiras.

Outro dos proxectos cualificados de excelentes é Non só é lume, do IES A Cachada de Boiro, do que podemos ver un vídeo no Youtube (unha posíbel precuela de O que arde, de Oliver Laxe, e que, de feito, conta coa presenza do seu protagonista, Amador Coro).

Tamén se inclúen os seguintes proxectos excelentes:

Fai un trato co galego!

CEIP de Prácticas López Ferreiro

Santiago de Compostela

A memoria das palabras

IES Fontem Albei

A Fonsagrada

Abrazando a diversidade lingüística

CEIP Plurilingüe de Tenorio

Cerdedo-Cotobade

Cada un destes cinco proxectos recibirá unha dotación económica de 2.000 € para o centro ou centros. O profesorado implicado activamente no seu desenvolvemento recibirá unha certificación de Primeiro Premio de Innovación Educativa, cunha equivalencia de 30 horas de formación permanente do profesorado para a persoa coordinadora e de 20 horas para o profesorado participante, alén de apoio e asesoramento no seu desenvolvemento e a difusión a través da rede e da páxina web da Secretaría Xeral da Lingua, lingua.gal.

Dous son os proxectos aos que se lles concede unha Mención de Honra:

Son das flores, música para a transformación

CEIP Vicente Risco

Vigo

PaliquéochoEU

CEE María Mariño

A Coruña

Outros artigos

O PSOE de Ribeira acusa ao Executivo local de “falta de propostas”

O PSOE de Ribeira tamén fixo balance do ano de Goberno do PP e PBBI logo da moción de censura consumada en outubro do ano pasado. No seu balance afirmou que a alcaldesa, coincidindo co primeiro aniversario da moción de censura, "segue sen ofrecer solucións á fronte da...

+

Publicidade

Revista en papel

Opinión

“Cuando la huelga cambia de destinatario”. José Castro López

“Cuando la huelga cambia de destinatario”. José Castro López

Vaya por delante que la huelga es una conquista consagrada que tienen los trabajadorespara reivindicar y defender sus derechos. De hecho, en lo que llevamos de democraciatodas las huelgas generales se convocaron por razones laborales contra las políticas delGobierno...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.