A patronal boirense (ABE) fixo un primeiro balance do nivel de seguimento que está a xerar o seu boletín de novas, que xa conta con 300 usuarios: clientes dos negocios de Boiro que reciben puntualmente información xerada pola asociación e as empresas asociadas. A ABE anunciou que realizará con carácter bimensual un sorteo de 50€ en bonos ABE entre todos os subscritores activos do seu boletín de novas.
Dende abril
O pasado mes de abril a ABE presentaba as novidades do seu sistema de fidelización entre as que destacaba a posta en marcha dun boletín de novas ao que poden subscribirse os clientes para estar ao tento das promocións e actividades que organiza a asociación- Entre as vantaxes de permanecermos subscrito sfiguran o acceso exclusivo a sorteos e promocións como a que agora se pon en marcha e que consiste nun sorteo bimensual entre os subscritores.
Funcionamento e datas dos sorteos
A ABE realizará con carácter bimensual un sorteo de 50€ en bonos ABE entre todos os subscritores activos do seu boletín de novas.
O calendario dos sorteos é o seguinte:
Meses de maio e xuño, sorteo 1ª semana de xullo.
Meses de xullo e agosto, sorteo 1ª semana de setembro.
Meses de setembro e outubro, sorteo 1ª semana de novembro.
Meses de novembro e decembro, sorteo 1ª semana de xaneiro.
Para participar nos sorteo os clientes só teñen que subscribirse ao boletín de novas da ABE a través da propia web da entidade indicado unicamente o seu correo electrónico.
