Artes (Ribeira) estrea novo parque infantil nas inmediacións do Centro Recreativo

21 Xuño 2024

Artes estreou novas instalacións de lecer infantil na contorna do Centro Recreativo da parroquia ribeirense. O obxectivo fundamental do Concello foi ofrecer equipamentos axeitados á rapazada de Artes e das inmediacións, cun investimento de 110.000€ a cargo do programa da Deputación POS 2022.

O parque infantil está composto por un equipo combinado, un balancín, unha randeeira e 3 xogos de movemento. O pavimento é de caucho continuo para evitar que a rapazada poida mancarse. Ademais do parque infantil, deixarase unha zona de estacionamento de vehículos e instaláronse 2 proxectores LED sobre columnas galvanizadas.

Esta actuación forma parte do plan de renovación de parques que puxo en marcha o Goberno local, un plan que contemplou tamén actuacións nas áreas de lecer de Bandourrío (en Santa Uxía, xa finalizado e aberto), Carreira e nas Abesadas (tamén en Santa Uxía).

O investimento que se fará nos parques mencionados chega a 672.000€. A intención do Executivo local é “seguir actuando noutros parques infantís e zonas deportivas progresivamente para ter espazos nos que a rapazada dispoña de espazos de ocio atractivos e seguros”.

Outros artigos

O filme documental 360 curvas proxéctase este domingo en Boiro

O Ciclo de Cine Mestre Mateo, impulsado nos concellos pola Academia Galega do Audiovisual, volveu poñer o foco en Boiro para dar coñecer ao público a rica colleita cinematográfica galega deste último ano. Sen ir máis lonxe, este domingo 18 de outubro proxectarase no...

+

Publicidade

Revista en papel

Opinión

“Juan Magán” – Xulio Xiz

“Juan Magán” – Xulio Xiz

Estes días, Merce e máis eu, mergullámonos cada día no multitudinario ambiente festeiro, disfrutamos coa venerable presencia de Celtas Cortos e ousamos asistir ao concerto de Juan Magán. Con relativo coñecemento do actual mundo musical, que navega de Camilo a India,...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.