En Porto do Son vaise vivir o San Xoán ao grande, máis aínda se temos en conta que semella que o clima vai ser benevolente coa nosa comarca esta fin de semana, logo das chuvieiras dos días pasados. Na parroquia de Caamaño teñen todo listo para a Festa do San Xoán que se celebra este venres 21 de xuño, a partir das 21.00 horas na explanada da Casa da Cultura de Caamaño. Haberá (como non podía ser doutro xeito) lume, comida (gran churrascada e sardiñada) e música a cargo de Eme Music, Mateo Abelleira e DT9. O lume dará comezo á medianoite no Campo de Fútbol e amenizado pola disco móbil de Eme Music.
