A praza de España de Porto do Son vai acoller este xoves 20 de xuño un concerto-obradoiro de música para violín impartido polo músico e profesor noiés Fernando Docampo (Sociedade Liceo de Noia, Escola de Música de Boiro).
A cita, programada baixo o epígrafe O Son dos Violíns, dará comezo ás 20.00 horas e estará aberto a toda a cidadanía, presentándose como unha boa oportunidade para, por unha banda, escoitar fantásticos violinistas, e pola outra, aprendermos un pouco máis sobre os instrumentos de corda. Organiza a Área de Cultura do Concello de Porto de Son.
