O Concello de Boiro impulsa os xogos tradicionais nas parroquias

14 Xuño 2024

O Concello de Boiro leva os xogos tradicionais ás parroquias mediante o programa Xogantina para fomentar o os xogos populares e inclusivos. No marco desta actividade vaise desenvolver unha xornada de actividades lúdicas tradicionais destinada aos centros de ensino e vanse programar distintas accións en todas as parroquias.

A xornada destinada aos centros de ensino será o 19 de xuño de 10.00 a 13.00 horas no Parque da Cachada e nela van participar os alumnos e alumnas de 3º e 4º de primaria dos centros educativos de Boiro, a Asociación Amicos e persoas usuarias do Centro de Día de Boiro. Haberá xogos guiados como o tiro á corda, carreira de sacos, salto da corda ou brilé; así como outros xogos polo recinto como zancos, aros, chapas, anillas…

Ademais, no marco das distintas festas populares do municipio, vanse desenvolver xogos tradicionais tamén nas parroquias. A primeira das xornadas de Xogantina nas parroquias terá lugar este sábado na Boliña, no Campo de Revelar, o sábado de 17.00 a 19.00 horas.

As actividades continuarán en Comoxo o día 29 de xuño; Escarabote o 22 de xullo; Abanqueiro o 2 de agosto; Boiro, no paseo marítimo de Barraña, o 13 de agosto; San Ramón de Bealo o 30 de agosto; e Cespón o 7 de setembro. Estas xornadas de xogos populares irán acompañadas de espectáculos de animación infantil.

Xogantina ten como obxectivo fomentar os xogos tradicionais, que contribúen á adquisición de valores, á socialización e ao fomento da creatividade, así como proporcionar propostas lúdicas destinadas a un público familiar.

Outros artigos

O PSOE de Ribeira acusa ao Executivo local de “falta de propostas”

O PSOE de Ribeira tamén fixo balance do ano de Goberno do PP e PBBI logo da moción de censura consumada en outubro do ano pasado. No seu balance afirmou que a alcaldesa, coincidindo co primeiro aniversario da moción de censura, "segue sen ofrecer solucións á fronte da...

+

Publicidade

Revista en papel

Opinión

“Cuando la huelga cambia de destinatario”. José Castro López

“Cuando la huelga cambia de destinatario”. José Castro López

Vaya por delante que la huelga es una conquista consagrada que tienen los trabajadorespara reivindicar y defender sus derechos. De hecho, en lo que llevamos de democraciatodas las huelgas generales se convocaron por razones laborales contra las políticas delGobierno...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.