O Lustres Rivas de Ribeira acolleu a inauguración da mostra “Novas Olladas”

06 Xuño 2024

Esta semana inaugurouse no Centro Cultural Lustres Rivas de Ribeira a exposición Novas Olladas dos obradoiros de artes plásticas de maiores impartidos ao longo do ano en Santa Uxía e nas parroquias, impartidos por Fernando Yáñez.

Foi un programa coordinado por María José Carreira, dependente da concellería de Servizos Sociais de Vicente Mariño de Bricio, encargado de levantar o pano da exposición acompañado de Fernando Yáñez e Unai González, que tamén interviron no acto, o último como xestor cultural do Concello de Ribeira e responsábel de exposicións.

A mostra estará ata o 29 de xuño no Lustres Rivas, e pódese visitar de xeito gratuíto de luns a sábado, no marco do Xuño da Cultura e as Artes 2024.

Son medio cento de obras variadas, versións de obras importantes de artistas galegos como Maruja Mallo, Laxeiro, Seoane, Picasso, etc.

A exhibición está presidida por unha obra de gran formato, colectiva, que reproduce a xenialidade de Maruja Mallo, Arquitectura humana, de 1937.

O acto foi aberto por Unai González, xestor cultural municipal, a continuación falou Fernando Yáñez e pechou Vicente Mariño de Bricio.

Acudiron sobre 60 persoas entre as que estaban Francisca Vidal, coordinadora de Servizos Sociais e María José Carreira, coordinadora do programa de dinamización dos maiores do municipio, así como moitas das persoas participantes no obradoiro.

Outros artigos

Publicidade

Revista en papel

Opinión

“Juan Magán” – Xulio Xiz

“Juan Magán” – Xulio Xiz

Estes días, Merce e máis eu, mergullámonos cada día no multitudinario ambiente festeiro, disfrutamos coa venerable presencia de Celtas Cortos e ousamos asistir ao concerto de Juan Magán. Con relativo coñecemento do actual mundo musical, que navega de Camilo a India,...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.