O Concello de Porto do Son declarará tres días de loito oficial pola morte do concelleiro popular, José Manuel Deán, na mañá deste mércores.
O Consistorio trasladou o seu pesar polo falecemento do concelleiro popular José Manuel Deán Pouso e enviou o pésame á familia e amigos.
“Absolutamente abatidos/as tras a fatal noticia do falecemento do noso compañeiro, José Manuel Deán Pouso; un home loitador, forte e valente que, como concelleiro e veciño sempre tratou de conseguir o mellor para Porto do Son”, manifestou o Consistorio en mensaxe publicada nas súas redes sociais.
Así mesmo, trasladou o seu afecto, forza e agarimo á familia, amizades e compañeiros do Partido Popular.
O alcalde, Luis Oujo, explicou que ás 10,00 horas do xoves celebrarase un pleno ordinario para declarar tres días de loito por este concelleiro que levaba desde 2011 no goberno municipal.
O funeral polo concelleiro celebraras este xoves ás catro e media da tarde saindo os seus restos mofrtaius desde o Tanatorio de Porto do Son á Igrexa Parroquial de San Sadurniño de Goiáns omde se celebrará o funeral. Posteriormente os seus restos recibirán sepultura no camposanto parroquial. Os restos mortais datopanse na sala 3 do Tanatorio de Porto do Son.
