O PP reclama unha reunión co Delegado do Goberno para coñecer os plans de cobertura da Garda Civil na provincia da Coruña

31 Maio 2024

O grupo do Partido Popular na Deputación da Coruña presentou unha moción na que insta ao delegado do Goberno en Galicia, Pedro Blanco, a manter un encontro cos voceiros provinciais e cos alcaldes e alcaldesas da provincia da Coruña a fin de explicar con detalle a situación actual e o horizonte a medio prazo da Garda Civil e do seu despregamento e cobertura na provincia.
O portavoz popular, Evaristo Ben, recordou que, hai unhas semanas, o pleno da Deputación aprobou unha modificación orzamentaria que contemplaba, aínda que sen concretar, unha achega para a Garda Civil. “O feito de que unha deputación consigne crédito relacionado coa seguridade pública, e cun corpo e función de indubidable competencia estatal, confirma a sensación crecente de que tan benemérito corpo padece unha grave falta de financiación por parte do Ministerio do Interior”, apuntou Ben.
Neste sentido, o popular explicou que aínda que este non sexa propiamente un asunto de competencia xurídica da Deputación, si o é da política incumbencia. “Non podemos esquecer que desde un punto de vista estritamente provincial os intereses da nosa provincia e o desenvolvemento económico e social na mesma dependen, en boa parte do territorio, da premisa da seguridade pública que asegura, non sen dificultades e con moito mérito, a Guarda Civil”, dixo Ben.

Con todo isto, e malia que a interlocución e a coordinación das institucións representativas coa Garda Civil se artella especialmente no eido local, a e tal fin responde a regulación normativa das Xuntas Locais de Seguridade, os populares consideran que a Deputación non debe quedar á marxe dunha interlocución de ámbito provincial na que poidan participar tamén os alcaldes
dos 93 concellos amparados pola Comandancia provincial de A Coruña.
Voto en contra de PSOE e BNG
No pleno, os grupos do PSOE e do BNG votaron en contra do texto presentado polos populares, alegando que a reunión debería producirse só cos voceiros provinciais de cada partido, deixando así de lado aos alcaldes da provincia.
De feito, o voto de calidade do presidente provincia, tras votar Alternativa dos Veciños a favor da proposta do PP, provocou que a moción fose rexeitada finalmente.

Outros artigos

O PSOE de Ribeira acusa ao Executivo local de “falta de propostas”

O PSOE de Ribeira tamén fixo balance do ano de Goberno do PP e PBBI logo da moción de censura consumada en outubro do ano pasado. No seu balance afirmou que a alcaldesa, coincidindo co primeiro aniversario da moción de censura, "segue sen ofrecer solucións á fronte da...

+

Publicidade

Revista en papel

Opinión

“Cuando la huelga cambia de destinatario”. José Castro López

“Cuando la huelga cambia de destinatario”. José Castro López

Vaya por delante que la huelga es una conquista consagrada que tienen los trabajadorespara reivindicar y defender sus derechos. De hecho, en lo que llevamos de democraciatodas las huelgas generales se convocaron por razones laborales contra las políticas delGobierno...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.