O Concello de Boiro recibe da Deputación da Coruña unha subvención por importe de 20.000 euros para financiar gastos de persoal técnico para a atención de museos e centros museísticos durante o ano 2024. A axuda concedida vaise destinar á contratación de persoal para o Centro Arqueolóxico de Neixón e a Pazo de Goiáns
O obxectivo da subvención é o financiamento do persoal técnico para a coordinación e atención a museos e centro de interpretación durante o ano 2024, neste caso en concreto do Centro Arqueolóxico do Barbanza, entidade municipal.
Ademais porase en marcha o programa Coñece Goiáns 3, programa temporal que pretende dar continuidade ao iniciado en 2022 para seguir dando a coñecer os valores patrimoniais e medioambientais deste espazo.
Entre as actividades que se desenvolven ao longo do ano dende o Concello de Boiro para fomentar as visitas están todas as actividades relacionadas coas Letras Galegas, encontros arqueolóxicos ou exposicións e concertos que se realizan no Pazo de Goiáns.
