O Náutico de Boiro – Marina Cabo de Cruz recibe mañá xoves a certificación de Galicia Calidade. O acto oficial de colocación da placa vaise celebrar mañá, 6 de ás 12.30 horas, no Náutico de Boiro – Marina Cabo de Cruz.
Con este serán catorce os clubs náuticos galegos que contarán coa certificación Galicia Calidade e que impulsan á Comunidade como referente turístico. A Consellería de Economía, Emprego e Industria, a través de Galicia Calidade, concedeu a licenza de uso da súa marca de garantía ás instalacións náutico deportivas do Club Náutico Boiro-Marina Cabo de Cruz (Boiro), Club Náutico Sada (Sada), Club Náutico de Ares (Ares), Club Náutico de Portonovo (Sanxenxo), Real Club Náutico de Ribadeo (Ribadeo), Real Club Náutico de Vigo (Vigo), Real Club Náutico de Portosín (Porto do Son), Real Club Náutico de Rodeira (Cangas), Real Club Náutico de Sanxenxo, Real Club Náutico de A Coruña, Club Náutico Deportivo de Ribeira, Club Náutico de San Vicente do Mar (O Grove) y Monte Real Club de Yates de Baiona, ademais de Anauga.
Coa nova incorporación, a marca de garantía de Galicia conta xa con 125 establecementos certificados de diferentes sectores.
Na inauguración da placa van asistir o alcalde de Boiro, José Ramón Romero; Alfonso Cabaleiro, director xerente de Galicia Calidade, Javier Ruiz de Cortazar, presidente da Asociación de Clubes Náuticos de Galicia e Manuel Fajardo, presidente do Náutico de Boiro – Marina Cabo de Cruz.
