O primeiro de marzo, toca poñernos as botas de camiñar e poñer o noso gran de area na loita contra un dos grandes males do noso tempo: o alzhéimer. Estamos a falar da primeira edición da Andaina Solidaria de Boiro polo Alzhéimer, que se celebra na devandita data a partir das 10.30 horas, con saída na praza do Concello e cun límite de prazas para 150 persoas. A camiñada, que xa ten dispoñíbel o formulario para realizamos a inscrición, vén da man da asociación AGADEA e a entidade deportiva Arousa Neo. O donativo das e dos participantes será de cinco euros.
A iniciativa non será nin polo tema nin polo formato un percorrido solidario calquera. De feito, acompáñase dunha andaina teatralizada, con representación complementaria ao inicio, durante e ao remate do itinerario. A distancia a camiñar será de cinco quilómetros. Quen precise máis datos sobre a camiñada poderá obtelos a través do teléfono 672 705 053 e do Servizo de Estimulación de Boiro.
