A axenda das Letras Galegas de Lousame inclúe actividades até o 30 de maio (este xoves, exposición sobre Zernadas de Castro)

16 Maio 2024

O Concello de Lousame prepárase para celebrar ao grande a XXII Festa do Galego cunha programación que inclúe seis actividades culturais gratuítas que se desenvolverán entre o 10 e o 30 de maio. A participación nas accións propostas será de balde e libre, se ben nos casos do contacontos, do concerto e da sesión de teatro será preciso reservar a entrada a través de bandoticket.com.

A XXII Festa do Galego de Lousame arrincou na Casa da Cultura o 10 de maio, co contacontos Kalopsia: un planeta non tan diferente. Promovido por Europe Direct A Coruña, tratará de achegar a rica tradición literaria europea á rapazada lousamiá.

Este xoves 16 de maio, o Concello inaugurará unha exposición sobre a vida e obra de Zernadas de Castro no atrio da Igrexa de Fruíme. Unha actividade previa á tradicional ofrenda floral, que este ano celebrarase o sábado 18 de maio, ás 13:00 horas.

O domingo 19 de maio, ás 18:00 horas, a praza do Concello acollerá un concerto infantil a cargo de Uxía Lambona e a Banda Molona, que presentarán o seu novo espectáculo Un soño é….. En caso de choiva, o espectáculo trasladaríase ao Polideportivo Municipal da Silva.

Unha semana despois, o domingo 26 de maio ás 18:00 horas, o auditorio da Casa da Cultura acollerá a montaxe de pequeno formato De Vilatriste a Vilalegre, unha peza de teatro dirixida a un público infantil en coprodución con Teatro O Cubo, Sofía Espiñeira e Roberto Casal.

Finalmente, a Casa da Cultura de Lousame acollerá a inauguración dunha exposición da vida e obra de Luísa Villalta, a quen se lle dedica este ano o Día das Letras Galegas.

Outros artigos

O PSOE de Ribeira acusa ao Executivo local de “falta de propostas”

O PSOE de Ribeira tamén fixo balance do ano de Goberno do PP e PBBI logo da moción de censura consumada en outubro do ano pasado. No seu balance afirmou que a alcaldesa, coincidindo co primeiro aniversario da moción de censura, "segue sen ofrecer solucións á fronte da...

+

Publicidade

Revista en papel

Opinión

“Cuando la huelga cambia de destinatario”. José Castro López

“Cuando la huelga cambia de destinatario”. José Castro López

Vaya por delante que la huelga es una conquista consagrada que tienen los trabajadorespara reivindicar y defender sus derechos. De hecho, en lo que llevamos de democraciatodas las huelgas generales se convocaron por razones laborales contra las políticas delGobierno...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.