O Diario Oficial de Galicia deste mércores 15 publica o anuncio do Servizo Territorial da Zona Hidrográfica de Galicia Centro, polo que se somete a información pública a solicitude de autorización de obras do proxecto do parque eólico Banzas, nos concellos de Outes, Negreira e Mazaricos:
As obras solicitadas son as do parque eólico Banzas, así como as obras necesarias para adecuar o seu acceso exterior polos transportes especiais, localizado na provincia da Coruña, entre os municipios de Outes, Negreira e Mazaricos. Consiste nunha planta eólica de 34,3 MW de potencia total instalada, constituída por sete aeroxeradores de 5,2 MW de potencia nominal unitaria (limitada a 4,9 MW). Todas as infraestruturas proxectadas asociadas ao parque eólico están comprendidas nas coordenadas UTMetrs89h29 poligonais do perímetro do parque: P1 (506075, 4746786), P2 (506075, 4752986), P3 (510875, 4752986) e P4(510875, 4746786).
O proxecto pode consultarse na sección «Participación pública» do portal da internet de Augas de Galicia (https://augasdegalicia.xunta.gal), e nas oficinas deste servizo territorial, situadas na rúa Tomiño, 16, baixo (15704) de Santiago de Compostela (A Coruña), solicitando cita previa no teléfono 981 54 49 27.
Os interesados poderán presentar alegacións durante o prazo de vinte (20) días hábiles, contados a partir do seguinte ao da publicación deste anuncio no Diario Oficial de Galicia, en calquera dos rexistros previstos no artigo 16.4 da Lei 39/2015, do 1 de outubro, do procedemento administrativo común das administracións públicas.
Solicitante: Green Capital Power, S.L.U.
NIF: B85945475.
Expediente: DH.W15.99304.
Parroquia: Matasueiro (San Lourenzo).
Parroquia: Santo Ourente de Entís (Santo Ourente).
Concello: Outes.
Parroquia: Alvite (San Tomé).
Parroquia: Campolongo (Santa Cruz).
Parroquia: Xallas (San Pedro).
Concello: Negreira.
Parroquia: Chacín (Santa Baia).
Parroquia: San Fins de Eirón (San Fins).
Concello: Mazaricos.
