O Concello de Ribeira comprométese a mellorar a seguridade viaria e o transporte nos colexios e a ampliar o CEIP O Grupo

06 Maio 2024

O alcalde de Ribeira, Luís Pérez Barral, e a concelleira de educación, Cruz Rivadulla, mantiveron unha reunión coas asociacións de nais e pais (ANPAs) do concello nun esforzo por estreitar a colaboración entre a administración local e as comunidades educativas. No encontro abordáronse diversos temas de interese para mellorar a calidade do ensino no municipio.

Un dos puntos destacados foi a necesidade de reforzar a comunicación e coordinación entre o Goberno municipal e as asociacións de nais e pais, e “traballar conxuntamente para buscar solucións aos retos aos que se enfrontan os centros educativos do municipio”. Tratáronse deste xeito estratexias para favorecer a conciliación, a xestión dos comedores escolares e o servizo de monitorado.

Amais, abordáronse cuestións relacionadas coa seguridade viaria nas estradas arredor dos colexios, o transporte escolar ou á necesidade de profesorado para os nenos e nenas con necesidades especiais.

O alcalde e a concelleira comunicaron ás ANPAs que o Goberno municipal vén de solicitar unha reunión coa consellería de Educación, organismo competente na materia, para abordar estas problemáticas de xeito integral e buscar solucións eficaces que permitan mellorar as condicións educativas do municipio. “As catro alcaldías de Barbanza Arousa solicitamos tamén unha reunión coa empresa Monbus para tratar as deficiencias no transporte escolar”, explicou ademais o alcalde Luís Pérez.

Outro dos temas tratados na reunión foi a carencia de espazo do CEIP O Grupo, que tamén precisa dunha obra de rehabilitación. En relación a isto, o Concello aprobou no último pleno municipal a posta a disposición da Consellería de Educación o edificio da antiga Comisaría de Policía; “para que a Administración autonómica leve a cabo as obras necesarias para destinalo a uso educativo”.

O rexedor e a concelleira comprometéronse a ter en conta as suxestións e inquedanzas suscitadas polas ANPAS e a seguir traballando de xeito colaborativo para avanzar na mellora do sistema educativo local.

Outros artigos

O PSOE de Ribeira acusa ao Executivo local de “falta de propostas”

O PSOE de Ribeira tamén fixo balance do ano de Goberno do PP e PBBI logo da moción de censura consumada en outubro do ano pasado. No seu balance afirmou que a alcaldesa, coincidindo co primeiro aniversario da moción de censura, "segue sen ofrecer solucións á fronte da...

+

Publicidade

Revista en papel

Opinión

“Cuando la huelga cambia de destinatario”. José Castro López

“Cuando la huelga cambia de destinatario”. José Castro López

Vaya por delante que la huelga es una conquista consagrada que tienen los trabajadorespara reivindicar y defender sus derechos. De hecho, en lo que llevamos de democraciatodas las huelgas generales se convocaron por razones laborales contra las políticas delGobierno...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.