SOS Sanidade Pública proxectará en Outes este venres 3 de maio o documental sobre o estado do Servizo Galego de Saúde DEP Destruír é o plan cun coloquio posterior onde participarán os dous voceiros da plataforma: Manuel Martín e Xosé Dios. A cita será este venres ás 19:00 na Casa da Cultura.
O documental DEP-Destruír É o Plan, impulsado por SOS sanidade Pública, recolle unha pluralidade de voces para certificar os problemas actuais da sanidade pública galega, problemas que, segundo sinalan os autores do documental, deriva nun incremento das “inexplicábeis listas de espera” e, en consecuencia, “nun aumento da mortalidade (evitábel)”. O filme tamén mostra como se atopan os centros de saúde sen servizos mínimos e os PACs pechados, así como a falla de persoal en Atención Primaria.
