Os bombeiros do Parque Comarcal Provincial de Ribeira recibiron ás 20:30 horas da tarde deste mércores 24 de abril unha chamada alertando dun accidente de tráfico na rúa Doutor Lamas e Andrés, no municipio da Pobra do Caramiñal.
O automóbil sinistrado perdeu o control impactou contra o valado metálico dunha vivenda, sen causar o derrubamento deste. Á chegada dos bombeiros ao lugar do accidente a condutora atopábase fóra do vehículo, sen necesidade de ser liberada, polo que o labor consistiu na desconexión da batería do coche para a súa posterior retirada.
No operativo participaron tamén a Policía Local da Pobra do Caramiñal e o 061 de Ribeira.
