Os bombeiros do parque Comarcal Provincial de Boiro recibiron ás 01:56 horas da madrugada deste mércores 24 de abril unha chamada alertando dun accidente de tráfico no lugar do Pazo, no Concello de Rianxo.
Á chegada ao lugar, realizouse unha primeira inspección perimetral na que se identificou a causa do accidente, unha colisión provocada pola invasión dun coche do carril contrario, impactando de fronte con outro vehículo que estaba estacionado. Unha vez retirados os dous turismos, procedeuse á limpeza da vía.
No operativo participaron tamén a Garda Civil de Tráfico e o 061.
