Tal como ven informando Código Cero esta mañá o servizo de Internet fixo e móbil do operador de telecomunicacións R está a experimentar unha incidencia masiva rexistrada ás 8:25 horas e que ás 10:20 horas a compañía aseguraba que estaba «en proceso de solución», de xeito que debería estar a recuperarse o servizo de xeito gradual.
Neste tipo de situacións espérase que os clientes reciban unha compensación económica pola caída do servizo, aínda que os usuarios normalmente non están satisfeitos cun desconto cativo na súa vindeira factura cando precisan acceso á Internet para estar comunicados e poder traballar, xa que actualmente son moitos os profesionais e empresas que utilizar a Rede para desenvolver a súa actividade e tramitar pagamentos, de xeito que unha caída de varias horas pode xerarlles perdas importantes.
