As obras de pavimentación e saneamento na rúa da Cambra, en Palmeira, rematarán a finais de maio

11 Abril 2024

O alcalde de Ribeira, Luís Pérez e o concelleiro de Obras, Xabier Vidal, visitaron este xoves 11 de abril a rúa da Cambra en Palmeira, onde están levar a cabo obras para dotar ás vivendas de saneamento e pavimentación. Segundo fixeron saber, os traballos rematarán a finais do vindeiro mes.

A actuación, que conta cun orzamento de 65.201 euros, inclúe a renovación dos servizos de saneamento, pluviais e abastecemento de auga. Tamén, a mellora das condicións de accesibilidade e funcionalidade da rúa mediante a substitución do firme actual por un novo pavimento de formigón con lousas de granito.

Segundo explicou o alcalde, Luís Pérez, a veciñanza “levaba moito tempo demandando actuacións nesa rúa debido a problemas coa presión da auga”. O rexedor reafirmou asemade o compromiso do Goberno local coa mellora e renovación dos servizos básicos en tódalas parroquias. “Dende o Concello seguimos a traballar para mellorar a pavimentación e o saneamento naquelas rúas que se atopen deterioradas” explicou, engadindo que “a mellora dos servizos é fundamental para o desenvolvemento sustentábel de todo o Concello”.

Outros artigos

O filme documental 360 curvas proxéctase este domingo en Boiro

O Ciclo de Cine Mestre Mateo, impulsado nos concellos pola Academia Galega do Audiovisual, volveu poñer o foco en Boiro para dar coñecer ao público a rica colleita cinematográfica galega deste último ano. Sen ir máis lonxe, este domingo 18 de outubro proxectarase no...

+

Publicidade

Revista en papel

Opinión

“Juan Magán” – Xulio Xiz

“Juan Magán” – Xulio Xiz

Estes días, Merce e máis eu, mergullámonos cada día no multitudinario ambiente festeiro, disfrutamos coa venerable presencia de Celtas Cortos e ousamos asistir ao concerto de Juan Magán. Con relativo coñecemento do actual mundo musical, que navega de Camilo a India,...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.