O concelleiro de Deportes de Ribeira, Xabier Vidal, presentou este martes 9 de abril o Torneo Norte-Sur que se celebrará na Piscina Municipal de Fieiteira o vindeiro sábado 13. Na presentación participaron tamén María Villar, presidenta do Club de Natación de Ribeira e Juan Carlos Brión, da Federación Galega de Natación,
Segundo explicou Juan Carlos Brión, presidente da FEGAN, no torneo compiten os mellores nadadores e nadadoras do norte e os e as mellores do sur de Galicia. “Despois dos campeonatos galegos, esta é a segunda proba máis importante a nivel autonómico” afirmou. A proba, que será retransmitida por streaming a través da páxina da FEGAN, comezará ás 10 da mañá e pola tarde continuará a partir das 5.
