O Concello de Outes e Doce Coliño van organizar este mes de abril un Obradoiro de Baby Sign dirixido a familias con bebés e mulleres embarazadas da contorna. A actividade desenvolverase este sábado 13 de abril ás 11 horas.
No seu transcurso mostrarase ás persoas asistentes como comunicarse co seu bebé antes de que fale, como aplicalo axeitadamente e sacar a esta comunicación o máximo rendemento, os múltiples beneficios que o baby sign achega no seu desenvolvemento psicomotor e como aprender signos básicos da rutina diaria dos nenos, contos e cancións para desfrutar en familia.
A actividade desenvolverase no Centro Social de Outes. As inscricións son de balde (prazas limitadas). As inscricións cómpre facelas a través do teléfono 611 857 087, o na conta de correo docecolino@gmail.com.
Imparte este obradoiro Isa Gil, instrutora especializada en técnicas de baby sign.
Para quen non o saiba, o baby sign é un método que serve para facilitar a comunicación cos nosos pequechos. Apóiase na demostración científica de que os bebés son quen de aprender, entender e repetir xestos moito antes de poder a falar. Esta nova técnica baséase neste principio e logo achéganos uns signos cos que os cativos son capaces de expresarse.
