Teatro do Noroeste leva a Rianxo este venres “As damas de Ferrol”

01 Abril 2024

Este venres 5 de abril, o Auditorio de Rianxo acolle As damas de Ferrol de Teatro do Noroeste. Trátase dunha comedia de humor negro a ritmo de jazz, dirixida por Clara Gayo, onde dúas irmás maiores repasan a súa vida entre disputas e absurdos, cunha morte como pano de fondo e coa cidade de Ferrol como protagonista. A función dará comezo ás 21.00 horas. As entradas serán de balde até completar capacidade. Retirada de convites dende unha hora antes do comezo da función.

O espectáculo As damas de Ferrol encádrase na programación da Primavera Cultural organizada polo Concello.

As damas de Ferrol é un texto en clave feminista dirixido por Clara Gayo, protagonizado por Mónica Camaño e Casilda Alfaro, con música orixinal de Chefa Alonso, escenografía e vestiario de Carlos Alonso e dramaturxia de Eduardo Alonso. A través desta peza, a lonxeva compañía Teatro de Noroeste regresa a Ferrol “cunha proposta que revisita un dos textos máis senlleiros do seu repertorio abrindo agora unha renovada liña de traballo”. As súas protagonistas son Maruxa e Lurdes, dúas irmás xa maiores.

As dúas personaxes que desenvolven a acción no escenario contan, entre discusión e discusión, retrincos das súas vidas, pero o que contan pode pertencer á realidade, acontecer, ou pode ser froito das súas enfermizas mentes. Como espectadores, nós nunca chegaremos a saber se é verdade ou fantasía. Para elas todo é realidade, as súas propias invencións fantásticas son máis reais que a propia realidade circundante.

Outros artigos

O filme documental 360 curvas proxéctase este domingo en Boiro

O Ciclo de Cine Mestre Mateo, impulsado nos concellos pola Academia Galega do Audiovisual, volveu poñer o foco en Boiro para dar coñecer ao público a rica colleita cinematográfica galega deste último ano. Sen ir máis lonxe, este domingo 18 de outubro proxectarase no...

+

Publicidade

Revista en papel

Opinión

“Juan Magán” – Xulio Xiz

“Juan Magán” – Xulio Xiz

Estes días, Merce e máis eu, mergullámonos cada día no multitudinario ambiente festeiro, disfrutamos coa venerable presencia de Celtas Cortos e ousamos asistir ao concerto de Juan Magán. Con relativo coñecemento do actual mundo musical, que navega de Camilo a India,...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.