O Concello de Ribeira está a mobilizar recursos estes días para a realización de traballos de limpeza e acondicionamento nos areais do termo municipal. Entre as praias nas que xa actuaron os operarios atópanse, como se aprecia na foto, as de Palmeira.
Ademais, o alumnado do Obradoiro Tahume segue a traballar na limpeza e rozas no Parque Periurbano de San Roque, aplicando os coñecementos adquiridos durante a súa formación e mellorando as súas habilidades técnicas.
As especialidades que se están a impartir este ano son: Actividades auxiliares en viveiros, xardíns e centros de xardinería e Actividades auxiliares en conservación e mellora de montes.
