Este domingo 17 de marzo pola tarde as persoas maiores desfrutaron dun chocolate e de música en Artes, Ribeira.
O evento foi organizado por Amas de Casa coa colaboración do Concello de Ribeira, que agradeceu, a través do alcalde e tenente de alcalde (Luís Pérez Barral e Vicente Mariño de Bricio) “agradeceu o traballo altruísta feito pola directiva da asociación na realización desta actividade”.
O rexedor subliñou a importancia de apostar por celebrar actividades que permitan gozar de momentos de convivencia: “Vós criastes aos nosos pais, coidástesnos a nós como netos e agora tócanos a nós coidar de vós e aprender da vosa sabedoría, sirva isto como unha pequena mostra de cariño e do noso afecto”.
O tenente de alcalde destacou a tradición desta celebración como un evento de “confraternización cos nosos maiores”.
O evento, no que participaron preto de medio milleiro de persoas, estivo amenizado polo grupo musical Leite con Jalletas.
Na cita tamén participaron membros do anterior equipo de Goberno, como María Sampedro ou o senador Manuel Ruiz.
