O Concello de Outes informou de remate dos traballos programados para mellorar os accesos no lugar de Braño, dentro dun proxecto do POS+2022 (Deputación da Coruña) que tamén inclúe actuacións en Mosteiro e Vilariño, no Freixo.
Dende o Consistorio engadiron que nos vindeiros días tamén se completarán melloras no camiño de Cambeiro a Cures, e no de Catasueiro a Cerzón.
A maiores, nas próximas semanas e “na medida que o tempo o permita” levarase a cabo un asfaltado e posta a punto en varias vías do concello, engadiron dende o Goberno local.
