A Sociedade Estatal Solo Empresarial do Atlántico (SEA) celebrou na tarde deste 14 de marzo un consello de administración
no que participaron a directora xeral de SEPES e a presidenta de SEA, Leire Iglesias; a conselleira de Medio Ambiente, Territorio
e Vivenda da Xunta, Ángeles Vázquez; o director económico financeiro de SEPES, Miguel Ángel Pino; o secretario xeral da Delegación do Goberno en Galicia, Alberto de la Fuente; e a xerente de SEA, Beatriz Sestayo.
Neste consello de administración adxudicáronse catro parcelas en tres dos parques empresariais xestionados por SEA: dúas parcelas no polígono de Cee; unha no de Rianxo; e outra no de Catoira.
A empresa Búa Construcciones e Servizos S.L., con sede no Concello de Dumbría, instalarase no parque empresarial de Cee tras adquirir unha parcela de 1.890 metros cadrados.
Elevacións Paz Transportes S.L. tamén adquiriu unha parcela no mesmo polígono, que conta cunha superficie de 2.263 metros cuadrados.la empresa Investimentos Agro dous Mouriños, S.L. confiou no parque empresarial de Rianxo (o Polígono do Te) para adquirir unha parcela de 2.732 metros cadrados, que hoxe o consello de administración de SEA adxudicou.
No parque empresarial de Catoira establecerase, nunha parcela de 1.811,33 metros cadrados, a compañía Tesalumy S.L., empresa referente na reciclaxe de contedores industriais e que se acolleu á opción de dereito de superficie con opción a compra.
Contas do exercicio 2023
Segundo explicaron as responsábeis de SEA, no ano 2023 a sociedade “volveu demostrar a súa capacidade de autofinanciamento”, xa que o exercicio –do que se aprobaron as contas na tarde deste 14 de marzo– desenvolveuse con perfecta execución da planificación orzada con anterioridade. Así, fixeron fronte ás actuacións previstas, pero lanzando un resultado positivo que lles permite acometer outras operacións en 2024. “A pesar de cumprir cos investimentos previstos nos diferentes parques, non tivemos que acudir a créditos e mantemos as contas limpas e a autonomía financeira”, explicou a xerente de SEA. Durante 2023 comercializáronse 70.739,96 metros cadrados de solo en nove parques empresariais, actuacións que supoñerán a creación duns 1.000 postos de traballo en sectores produtivos como as empresas conserveiras e do mar, ou na construción.
