O Concello de Ribeira, a través do servizo de limpeza viaria, está a reforzar a limpeza nas zonas de xogo infantís en tódalas parroquias. Segundo explican fontes do Consistorio, “o mantemento das zonas de xogos infantís é fundamental para garantir a seguridade e o benestar dos nenos que as utilizan, e ademais da inspección periódica de equipamentos e estruturas, é de suma importancia reforzar a limpeza viaria nestas zonas”.
E engade a concelleira de Servizos Municipais, Tania Redondo: “Para nós é unha prioridade mellorar o mantemento e a limpeza das zonas de xogo. Seguiremos actuando progresivamente en tódalas as áreas de xogo e nas parroquias”.
A este labor de limpeza e seguimento engádese o comezo dos traballos, esta semana, para a renovación e a mellora do parque infantil de Pedra Pateira, en Santa Uxía.
