O Concello de Ribeira adxudica a pavimentación e instalación de pluviais nas parroquias de Corrubedo e Artes

27 Febreiro 2024

O Concello de Ribeira vén de adxudicar a pavimentación e instalación da liña de pluviais na travesía dos Pozos, en Corrubedo, cun importe de 31.890,51 € e un prazo de execución de 3 meses; e tamén a instalación da liña de pluviais en Outeiro, Artes, cun importe de 25.054,84 € e un prazo de execución de dous meses. Ambas obras están incluídas no Plan Provincial POS +2023 e POS +2021 respectivamente.

A travesa dos Pozos en Corrubedo

A travesía dos Pozos, na parroquia de Corrubedo, trátase dun camiño polo que transitan gran cantidade de veciños e visitantes; mais, segundo informa o Concello, “só presenta na actualidade firme de terra e dispón unicamente de rede de saneamento, polo que se proxecta a instalación dunha nova liña de pluviais e a pavimentación do camiño”.

Doutra banda, a estrada DP-7304 non dispón de rede de pluviais ao seu paso polo lugar de Outeiro, na parroquia de Artes; o que, en palabras do Goberno local, “fai que discorra moita auga superficial pola calzada en momentos de choiva, supoñendo un risco para a circulación”.

“A instalación axeitada da liña de augas pluviais é fundamental para previr as inundacións e os danos materiais que estas poidan ocasionar á veciñanza”, afirmou o alcalde Luis Pérez Barral,e engadindo que “seguiremos a traballar para facer chegar os servizos básicos necesarios a tódalas

parroquias”.

Outros artigos

O filme documental 360 curvas proxéctase este domingo en Boiro

O Ciclo de Cine Mestre Mateo, impulsado nos concellos pola Academia Galega do Audiovisual, volveu poñer o foco en Boiro para dar coñecer ao público a rica colleita cinematográfica galega deste último ano. Sen ir máis lonxe, este domingo 18 de outubro proxectarase no...

+

Publicidade

Revista en papel

Opinión

“Juan Magán” – Xulio Xiz

“Juan Magán” – Xulio Xiz

Estes días, Merce e máis eu, mergullámonos cada día no multitudinario ambiente festeiro, disfrutamos coa venerable presencia de Celtas Cortos e ousamos asistir ao concerto de Juan Magán. Con relativo coñecemento do actual mundo musical, que navega de Camilo a India,...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.