A Pobra homenaxea Rosalía con poesía, música, flores e o”caldo de groria”

23 Febreiro 2024

Poesía, música e gastronomía foron os tres eixos sobre os cales se vertebrou este 23 de febreiro, Día de Rosalía de Castro, na Pobra do Caramiñal.

A chuvia fixo que algunhas das actividades se tivesen que desenvolver a cuberto, pero non pasou pola auga a xornada. O teatro cine Elma converteuse nun fervedoiro músico-literario xa de mañá. O grupo de música tradicional Xiada interpretou algunhas pezas e o alumnado do CEP Pilar Maestú Sierra e unha parte do CEP Salustiano Rey Eiras realizoulle unha singular homenaxe a Rosalía con poemas cantados e lectura de versos.
Despois, o tempo respectou a ofrenda cívica que se desenvolveu, como xa é tradición, na praza que leva o nome da escritora, e que incluíu a degustación do “caldo de groria” que se recolle no poema “Miña casiña, meu lar”. Antes de proceder á colocación do arranxo floral a carón da fonte xunto con parte da corporación municipal, o alcalde, José Carlos Vidal, dirixiuse ao público congregado lendo, primeiramente, o manifesto da Asociación de Escritoras e Escritores en Lingua Galega, escrito por Carlos Callón, no cal se explica que a autora marca un antes e un despois en Galicia, non só na literatura e, por extensión, na cultura, senón tamén
na nosa sociedade, ao formar parte da nosa identidade como pobo.
Durante a súa intervención, o mandatario local tamén reiterou o compromiso do Concello da Pobra do Caramiñal con esta data
conmemorativa para seguir divulgando a obra rosaliana. Por iso, apuntou que na programación deseñada pola Concellaría da Cultura se fai sempre un especial fincapé na rapazada, para lle achegar coñecementos sobre a intelectual galega mediante accións de carácter lúdico.


As crianzas da primaria poden participar ata o día 8 de marzo no xogo- concurso As Sete Rosalías. Deberán busca-las sete versións distintas da escritora nos escaparates dunha trintena de establecementos colaboradores. Logo de superado o reto, deberanse deposita-los documentos debidamente cubertos nos centros de ensino mencionados anteriormente. Sortearanse 50 lotes de agasallos, entre tódolos cativos e cativas que acertaren, no 12 de marzo.

Fotos Concello A Pobra

Outros artigos

O filme documental 360 curvas proxéctase este domingo en Boiro

O Ciclo de Cine Mestre Mateo, impulsado nos concellos pola Academia Galega do Audiovisual, volveu poñer o foco en Boiro para dar coñecer ao público a rica colleita cinematográfica galega deste último ano. Sen ir máis lonxe, este domingo 18 de outubro proxectarase no...

+

Publicidade

Revista en papel

Opinión

“Juan Magán” – Xulio Xiz

“Juan Magán” – Xulio Xiz

Estes días, Merce e máis eu, mergullámonos cada día no multitudinario ambiente festeiro, disfrutamos coa venerable presencia de Celtas Cortos e ousamos asistir ao concerto de Juan Magán. Con relativo coñecemento do actual mundo musical, que navega de Camilo a India,...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.