O Concello de Outes activou a convocatoria 2024 Plan de Recuperación de Árbores Autóctonas, que ten o duplo obxectivo de combater a propagación dos lumes forestais ocupando con frondosas as franxas secundarias de protección contra os incendios, e, tamén, incrementar a presenza no municipio da foresta con alto valor ambiental. Ao abeiro deste plan, o Concello repartirá de xeito gratuíto plantas de castiñeiro, cereixeira, bidueiros e carballo entre as e os propietarios que así o soliciten. Distribuiranse un máximo de 9 plantas variadas por propietario/a. As solicitudes deberán ser presentadas no Concello, no departamento de Urbanismo os días 22, 23, 26, 27, 28 e 29 de febreiro, chamando previamente ao teléfono 637 063 677 en horario de mañá.
