O Concello de Outes compartiu a listaxe de actuacións programadas que serán acometidas co financiamento do Plan de Obras e Servizos 2024 (POS+2024) da Deputación da Coruña que lle corresponde ao municipio. Os proxectos e a súa inclusión no POS foron aprobados pola Corporación municipal de Outes o pasado 8 de febreiro.
Trátase da seguinte listaxe de actuacións:
-Pavimentado do viario do núcleo de Moledo (Outes) por 58.416.30 euros.
-Pavimentado do viario do núcleo de Cambeiro (Outes), por 35. 497. 18 euros.
-Camiño e muro na Famelga (San Lourenzo), por 36.015.25 euros.
-Mellor núcleo de Sendón (Valadares), por 68.304.40 euros.
-Mellora viario en Braño (Sabardes), por 57.449.92 euros.
-Pavimentado viario en Cando, Lantarou e Catasueiro, por 74.033,58 euros.
-Renovación do abastecemento e do saneamento en avenida de Fisterra, por 124.493,66.
-Acondicionamento do andar superior do colexio vello do Cruceiro, por 129.473,62 euros.
A contía total que se vai destinar a estes proxectos é de 583.683,91 euros.
