O Concello de Ribeira fixo un primeiro balance breve da actividade xerada ao abeiro da recollida separada da materia orgánica, posta en marcha con este mes de febreiro. Segundo fixeron saber fontes do Consistorio, a semana pasada xa se separaron máis de 400 tarxetas e cubos de orgánica para domicilios á veciñanza de Ribeira, Palmeira e Aguiño. Trátase, explican, de achegar material co que separar do xeito máis cómodo posíbel o residuo orgánico da fracción “resto”, co fin de “evitar desperdicio de alimentos”.
Ademais, a distribución dos colectores marróns pódese consultar na Rede.
“No contedor de residuos orgánicos, pódense depositar materiais biodegradábeis, é dicir, aqueles que se descompoñen naturalmente a través de procesos biolóxicos.” explicou a concelleira Antía Alberte.
