Inaugurada na Pobra unha mostra pictórica de artista holandesa afincada na nosa comarca Karin Kuijper

05 Febreiro 2024

Romarías, barcos, xardíns… Elementos propios da idiosincrasia holandesa e galega están presentes na trintena de cadros que Karin Kuijper exhibe na Casa da Cultura Raquel Fernández Soler ata finais de mes.

Natural de Utrecht, nos Países Baixos, reside en Rianxo dende hai anos e o seu interese pola identidade galega fixo que pescudase máis sobre as nosas tradicións para reflectilas no acrílico sobre o lenzo. De feito, actualmente atópase mergullada no estudo dos diversos disfraces do Entroido galego, como os peliqueiros de Laza ou as damas e galáns de Cobres, que gozan de moito colorido, do mesmo xeito ca as pinturas de Kuijper.

Pintora autodidacta, dende moi nena decantouse polo debuxo e, logo de xubilada do ámbito sanitario como enfermeira, decidiu dedicarse por completo á actividade artística.

Durante a apertura da mostra na tarde do día 2 de febreiro estivo acompañada pola concelleira da Cultura, Patricia Lojo, quen destacou “a vitalidade destas obras nas cales predominan a cor e a fantasía propias do estilo naif.” E engadiu: “A Casa da Cultura é un espazo moi importante na vida cultural da comarca e goza de gran dinamismo con mostras tódolos meses: fotografía, escultura, pintura… Aquí tódalas disciplinas artísticas teñen cabida independentemente de se proceden de colectivos ou particulares, noveis ou xa consagrados”, remarcou a edil. O acto estivo amenizado por Barahúnda.

A exposición pódese visitar de luns a venres, en horario de 11.00 a 13.30 e de 17.00 a 20.00 horas.

Outros artigos

O PSOE de Ribeira acusa ao Executivo local de “falta de propostas”

O PSOE de Ribeira tamén fixo balance do ano de Goberno do PP e PBBI logo da moción de censura consumada en outubro do ano pasado. No seu balance afirmou que a alcaldesa, coincidindo co primeiro aniversario da moción de censura, "segue sen ofrecer solucións á fronte da...

+

Publicidade

Revista en papel

Opinión

“Cuando la huelga cambia de destinatario”. José Castro López

“Cuando la huelga cambia de destinatario”. José Castro López

Vaya por delante que la huelga es una conquista consagrada que tienen los trabajadorespara reivindicar y defender sus derechos. De hecho, en lo que llevamos de democraciatodas las huelgas generales se convocaron por razones laborales contra las políticas delGobierno...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.