As contadoras Vero Rilo e Sonsoles Penadique estarán o vindeiro sábado (7 de novembro) en Lousame, na Casa da Cultura, para achegar á veciñanza o espectáculo de narración oral Asdomare. A cita ten neste intre abertas as inscrición. Será como dixemos o sábado 7 de novembro, ás 18:30 horas, na Casa da Cultura de Lousame.
Os veciños e veciñas empadroadas en Lousame poden anotarse en BandoTicket dende hoxe e ata o propio 7 de novembro. En caso de quedaren prazas libres, abrirase a inscrición a persoas de fora do concello do 5 ao 7 de novembro.
Organiza a Deputación da Coruña a través da Área de Igualdade e no marco do Programa Circuíto en Igualdade. Colabora o Concello de Lousame.
Asdomare, espectáculo concibido tralo confinamento da COVID, é a continuación da narración O Pozo das Señoras, tamén de Rilo e Penadique.
Asdomare son as mulleres do mar,
ou o mar de mulleres.
É a senda dos faros
que alumean A Maruxaina,
A pedra do cu da raíña,
Os cantos das conserveiras…
Todo o que o mar quita,
todo o que o mar deixa.
