A vixésimo oitava edición das Xornadas de Homenaxe a Valle-Inclán en A Pobra do Caramiñal baixou o pano cun balance “positivo” e coa mira posta en continuar renovando a súa programación en próximas edicións. O ciclo dedicado ao escritor conseguiu manter unha resposta do público similar á rexistrada nos últimos anos, ao tempo que algunhas das novas propostas introducidas nesta ocasión obtiveron unha acollida especialmente favorable.
A técnica do Museo Valle-Inclán, Sara Barbazán, explica que desde a organización se mostran “bastantes satisfeitos” co resultado desta edición, especialmente tendo en conta as dificultades coas que tiveron que achegar.
O teatro e o impulso de novas iniciativas
Entre as propostas que contiñan funcionando ano tras ano destaca especialmente o teatro. As representacións escénicas volveron a concentrar algunhas das maiores asistencias das xornadas, con funcións que practicamente completaron o Teatro Elma. “O que mellor funciona é o teatro”, resume a técnica do museo.
A programación de este ano combinou as fórmulas xa consolidadas con outras iniciativas coa que o museo busco ampliar e diversificar o perfil de público. Unha das que mellor resultado conseguiu foi a ruta polos escenarios literarios da Serra do Barbanza relacionados con Valle-Inclán. A actividade practicamente completou as prazas dispoñibles e converteuse, segundo Barbazán, en unha das principais sorpresas da edición.
Tamén obtivo unha resposta favorable a incorporación do cine á programación. O Teatro Elma acolleu a proxección da adaptación cinematográfica de Tirano Banderas, unha das propostas incluídas este ano con motivo do centenario da publicación da novela. “As novas iniciativas responderon bastante ben”, apunta a técnica do museo, que considera que unha das conclusións que deixa esta vixésimo oitava edición é a conveniencia de continuar experimentando con novos formatos. “Xa sabemos o que funciona, pero queremos ir introducindo novas cousas para ver como responde a xente”, explica Barbazán.
O público tamén trasladou opinións maioritariamente positivas. Entre as cuestións propostas figura a posibilidade de probar novos horarios para determinadas actividades. A intención, segundo detallan desde a organización, é seguir axustando o que sexa necesario.
