A Policía Local da Pobra do Caramiñal detén unha persoa sobre a que pesaba unha orde de ingreso en prisión

20 Novembro 2026

O arresto produciuse este venres ao mediodía na rúa San Roque sen que se rexistrasen incidentes, facéndose cargo posteriormente a Garda Civil das dilixencias.

Axentes da Policía Local da Pobra do Caramiñal procederon este venres, 20 de novembro, á detención dunha persoa que tiña vixente unha orde xudicial de ingreso en prisión.

A intervención policial tivo lugar arredor das 14:30 horas na rúa San Roque, punto no que a patrulla localizou a persoa requirida. O mandamento fora emitido polo xulgado do Penal correspondente despois de que a persoa afectada non se presentase de maneira voluntaria no centro penitenciario dentro do prazo estipulado.

Segundo fontes municipais, o operativo desenvolveuse con total normalidade e sen incidentes, xa que non houbo resistencia no momento do arresto. Tras proceder á detención, os axentes informaron a persoa dos dereitos que lle asisten segundo a lexislación vixente.

A continuación, foi trasladada ás dependencias da Garda Civil da Pobra do Caramiñal, corpo que asumiu a instrución das dilixencias e os trámites pertinentes para executar o requirimento xudicial.

Desde o Concello da Pobra salientan que esta actuación enmárcase no labor ordinario de vixilancia da Policía Local e pon de relevo a estreita coordinación existente entre as distintas forzas e corpos de seguridade para garantir o cumprimento das resolucións xudiciais no municipio.

Outros artigos

“Objetividad de la visión en España”. José Fernández Lago

En este período de ocho años del actual Gobierno, han tratado de resolverse muchas cuestiones. Algunas de ellas han llegado a buen término, al encontrar apoyo en la mayor parte del Parlamento. Otras, en cambio, no han hallado esa acogida, y fueron rechazadas. Cierto...

+

Publicidade

Revista en papel

Opinión

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.