O sábado 14 de novembro vaise celebrar a partir das 10.00 horas a quinta edición do Nada e Corre do Concello de Muros. A inscrición está aberta na Piscina Municipal ou a través da web da Federación Galega de Tríatlon no apartado de competicións,
Muros é sede da proba clasificatoria da Zona 4 (Santiago de Compostela, Vedra, Noia, Muros e Outes)
A proba consistirá en nadar na piscina e correr nos seus arredores, e a clasificación será baseada na suma dos tempos de ambas disciplinas.
As categorías son prebenxamín, benxamín, alevín, infantil e cadete.
“Será unha xornada de deporte infantil e xuvenil xa consolidada no calendario, coa que desde o Concello de Muros estamos encantados de colaborar”, explica Damián Torea, concelleiro de Deportes, que agarda “uns 200 atletas e as súas familias”.
Organizada pola Federación Galega de Tríatlon e o Concello de Muros, coa colaboración da Secretaría Xeral para o Deporte; Protección Civil de Muros; GES Muros; Policía Local de Muros; persoal de Deportes (técnicos, persoal da piscina…), e os clubes deportivos de Muros, que aportan voluntarios para que o desenvolvemento da proba sexa mellor.
