O programa de roteiros Goza do Ulla volve a Rianxo o vindeiro 27 de setembro cunha ruta organizada polo Servizo de Deportes do Concello para desfrutar da fermosa paisaxe do treito final do río e do esteiro do Ulla.
A actividade é de balde e as inscricións estarán abertas ata o día 24 de setembro.
O programa Goza do Ulla 2026 acolle un total de 19 rutas que percorren os 20 concellos bañados polo río Ulla.
O vindeiro 27 de setembro o Concello de Rianxo organiza a andaina As Tres Cruces. Trátase dun percorrido circular con inicio e remate na escola unitaria de Quintáns. Ao longo dos aproximadamente 12 quilómetros as persoas participantes percorrerán a contorna da desembocadura do río Ulla e dos montes das Cercas.
A hora de inicio será as 9.30. Será unha actividade balde. Non está permitido levar animais durante o percorrido desta actividade.
As inscricións estarán abertas ata o xoves 24 de setembro ás 23:59 h. Máis información nos teléfonos 981 866 381/ 661 247 136 ou no correo deportes@concelloderianxo.gal.
